Сэтинньи 22 күнүгэр Улуустааҕы киин библиотекаҕа оҕолорго правовой көмө күнүн чэрчитинэн, Чурапчытааҕы ис дьыала отделын тутаах үлэһиттэрин кытта көрсүһүүгэ нэһилиэкпит икки оскуолатыттан оҕолор кыттыыны ыллылар.
Дьиэ кэргэни уонна ыччаты өйүүр психологическай киин үлэһиттэрэ: Виктория Александровна Лазарева, Виктория Михайловна Борисова бодороһууга аналлаах трениннэри көрдөрдүлэр.
Россия Ис Дьыалаҕа министерствотын Чурапчы оройуоннааҕы штабын начальнига, полиция подполковнига Скрябина Вера Дмитриевна уонна полиция капитана Сивцева Кэскил Иннокентьевна кыттыыны ылыллар. Полиция үлэһитэ буоларга ханнык хаачыстыба ирдэнэрин, ханнык үрдүк үөрэхтэр баалларын, полиция отделларын үлэтин оҕолорго сиһилии кэпсээтилэр. Оҕолор сэргээн иһиттилэр, интэриэһиргиир боппуруостарын ыйытаннар толору эппиэттэри ыллылар.
Юрист идэлээх суруйааччылар уус-уран айымньыларын библиотекарь Римма Викторовна билиһиннэрдэ.
Көрсүһүү түмүгэр оҕолор хамаандаҕа арахсан оонньоотулар. Үөрэ-көтө, астынан-дуоһуйан тарҕастылар.
