Уроки по Joomla 3 можно найти здесь: http://joomla3x.ru/
Четверг, 01 сентября 2022 09:06

Билии күнүнэн!

Автор
1Күндү оҕолорбут, убаастыыр учууталларбыт, төрөппүттэрбит!
 
Быйылгы 2022-2023 үөрэх дьыла үгүс уларыйыылардаах буолла: 1,5 кылаас үөрэнээччилэрэ саҥардыллыбыт стандартынан үөрэниэхтэрэ, дойду устуоруйатын кыра кылаастан үөрэтии киирэр, иитиигэ  сүрүн болҕомто ууруллуо, биир кэлим оҕону сайыннарар эйгэни тэрийии үлэтэ салҕаныа. Маны таһынан директоры иитии үлэтигэр сүбэһит саҥа дуоһунаска улуус оскуолаларыгар 25 үлэһит ананна.
 
Улууспутугар Ийэ Сир сылыгар, Саха Өрөспүүбүлүкэтин автономиятын 100 сылыгар анаммыт тэрээһиннэр чэрчилэринэн "Боотур Уус сыдьааннара" муниципальнай оҕону уонна ыччаты саха норуотун үгэстэригэр иитии бырагырааммата бигэргэнэн, олоххо киириэ. Бу программа иһинэн хас биирдии үөрэнэччибитигэр Боотур Уус сыдьана буоларын кэрэһэлиир түөскэ анньыллар бэлиэ оҥоһулунна. 405 кырачаан маҥнайгы кылаас боруогун атыллыыр оҕолорбут Чурапчы улууһун үөрэнээччитин күннүгүн (дневник) бэлэх тутуоҕа.
 
Саҥа үөрэх дьылыгар уһуйааннар уонна оскуолалар оҕону көрсөргө бэлэмнэр. Маны таһынан Хайахсыкка уонна Мындаҕаайыга таас оскуола дьиэлэрэ тутулла тураллар, Чурапчы нэһилиэгэр көҥүл тустууга анаммыт оҕону дьарыктыыр зал "Үөрэхтээһин" федеральнай бырайыак чэрчитинэн саҥалыы оҥоһуллан үлэҕэ киирдэ. Чурапчытааҕы үөрэтэр производственнай комбинат "Новые места" бырайыак эмиэ "Үөрэхтээһин" федеральнай проект нөҥүө оҕону эбии үөрэхтээһининэн сайыннарарга анаан эбии үп көрүллэн, саҥа оборудование ылан, быйылгы үөрэх дьылыгар үлэлииргэ бэлэм буолла.
 
Онон үлэлииргэ-хамсыырга, үөрэнэргэ-сайдарга, саҥа саҕахтары арыйарга кыах баар, усулуобуйа тэриллэр. 
 
Прочитано 210 раз Последнее изменение Четверг, 01 сентября 2022 14:03
Решаем вместе
Есть предложения по организации учебного процесса или знаете, как сделать школу лучше?