Уроки по Joomla 3 можно найти здесь: http://joomla3x.ru/
Четверг, 21 апреля 2022 17:39

«Этигэн тыл эгэлгэтэ» тыл күрэҕэ

Автор

Чурапчы киин библиотекатын ааҕар саалатыгар «Этигэн тыл эгэлгэтэ» тыл этии улуустааҕы күрэҕэ бүгүн буолан ааста. Бу күрэҕи сыл көтө-көтө Үөрэх салалтата, Кииннэммит библиотечнай ситим, улуустааҕы саха тылын учууталларын мэтэдиичэскэй холбоһуга тэрийэн ыыталлар.

IMG 4115

Оҕо сахалыы сайаҕастык тыл этэр үөрүйэҕин сайыннарар сыаллаах күрэххэ аҕыс хайысханан оҕолор тыл эттилэр. 5-8 уонна 9-11 кылаас оҕолоро тус-туспа сыаналаннылар. Барыта 33 үөрэнээччи 9 оскуолаттан кытынна: Чурапчы гимназиятыттан – 12 оҕо, Чурапчытааҕы спортивнай интернат-оскуолаттан – 7оҕо, С.А. Новгородов аатынан Чурапчы ОО уонна Сылаҥ оскуолатыттан үстүү, И.М. Павлов аатынан Чурапчы ОО, Бахсы ОО иккилии, Болтоҥо, Хадаар оскуолаларыттан биирдии.

Кыттааччылар кэпсиир тиэмэлэрин арыйан истээччигэ тиэрдиилэрин, тыллара-өстөрө чуолкайын, ыраастык саҥаралларын «Саҥа олох» хаһыат үрдүкү кэрэспэдьиэнэ, тыл үөрэхтээҕэ, бэрэссэдээтэл Семен Жендринскэй, үөрэх салалтатын уопсай үөрэхтээһин уонна мэтэдиичэскэй хааччыйыы отделын исписэлииһэ Мария Артемьева, улуустааҕы киин бибилэтиэкэ ааҕааччыны кытта үлэлиир отдел сүрүннүүр бибилэтиэкэрэ Римма Петрова Дьүүллүүр сүбэҕэ киирэн сыаналаатылар.

Кыттыбыт оҕолор төрөөбүт тылбыт сайдыытын, норуот төрүт үгэстэрин, сөбүлүүр суруйааччыларын, биһириир айымньыларын, сиэри-майгыны,аныгы технология тылга дьайыытын сырдаттылар. Бэйэ санаатын сайа этэр, дьоҥҥо тиэрдэр уран тыллаах оҕолор бааллара үөрдэр, саҥарыыларыгар сөп түбэһэр хамсаныы-имсэнии өссө ситэрэн-хоторон биэриэ эбиттэр. Ордук үчүгэй бэлэмнээхтэрин Чурапчы гимназиятын, Чурапчытааҕы спортивнай интернат-оскуола, Төлөй, Сылаҥ, И.М. Павлов аатынан Чурапчы орто оскуолаларын оҕолоро көрдөрдүлэр.

IMG 4104

Күрэх улахан кылаастартан саҕаланна, барыта алта оҕо тыл этэн түмүк маннык буолла:

1 үрдэл Добун сурук – Милана Оконешникова (Н.Д. Субуруускай аатынан Болтоҥо орто оскуолатын 10 кылааһын үөрэнээччитэ);

2 үрдэл Добун сурук – Эрхан Сивцев (Г.П. Башарин аатынан Сылаҥ ОО 10 кылааһын үөрэнээччитэ);

3 үрдэл Добун сурук – Егор Алексеев (Г.П. Башарин аатынан Сылаҥ ОО 9 кылааһын үөрэнээччитэ).

«Дорҕоонноох ааҕааччы» анал аат – Владислав Логинов (Д.П. Коркин аатынан Д.П. Коркин аатынан Чурапчытааҕы интернат-оскуола 11 а кылааһын үөрэнээччитэ).

5-8 кылаастарга 27 оҕо кыттан уопсай түмүккэ 15 үөрэнээччи ситиһиилэннэ, 3 оҕо анал ааты ылла:

1 үрдэл Добун сурук – Кира Саввинова (С.К. Макаров аатынан Чурапчы гимназиятын 5 кылааһын үөрэнээччитэ);

2 үрдэл Добун сурук – Нелли Божедонова (С.К. Макаров аатынан Чурапчы гимназиятын 5 кылааһын үөрэнээччитэ);

2 үрдэл Добун сурук – Алгыстаана Максимова (Төлөй ОО 8 кылааһын үөрэнээччитэ);

2 үрдэл Добун сурук – Айтал Захаров (С.А. Новгородов аатынан Чурапчы ОО 8 кылааһын үөрэнээччитэ);

3 үрдэл Добун сурук – Хаарчаана Свинобоева (Төлөй ОО 8 кылааһын үөрэнээччитэ).

Хайҕал сурук үрдэллэрин ыллылар:

1 үрдэл Хайҕал сурук

– Женя Кузьмин (И.М. Павлов аатынан Чурапчы ОО 5 кылааһын үөрэнээччитэ).

– Дамир Сотников (И.М. Павлов аатынан Чурапчы ОО 5 кылааһын үөрэнээччитэ).

2 үрдэл Хайҕал сурук

– Петя Попов (Д.П. Коркин аатынан Чурапчытааҕы интернат-оскуола 8 а кылааһын үөрэнээччитэ).

– Андрей Михайлов (С.К. Макаров аатынан Чурапчы гимназиятын 6 кылааһын үөрэнээччитэ).

– Богдан Логинов (С.К. Макаров аатынан Чурапчы гимназиятын 7 кылааһын үөрэнээччитэ).

– Ньургуйаана Егорова (С.К. Макаров аатынан Чурапчы гимназиятын 7 кылааһын үөрэнээччитэ).

3 үрдэл Хайҕал сурук

– Григорьев Айтал (С.Д. Флегонтов аатынан Хадаар ОО 6 кылааһын үөрэнээччитэ).

- Алгыстаана Колесова (Д.П. Коркин аатынан Чурапчытааҕы интернат-оскуола 8 б кылааһын үөрэнээччитэ).

- Вася Дьячковскай (Г.П. Башарин аатынан Сылаҥ ОО 7 кылааһын үөрэнээччитэ).

- Лилиана Бурцева (С.К. Макаров аатынан Чурапчы гимназиятын 7 б кылааһын үөрэнээччитэ).

«Хомоҕой ааҕааччы» анал аат - Алгыстаана Максимова (Төлөй ОО 8 кылааһын үөрэнээччитэ).

«Иэйиилээх ааҕааччы» анал аат - Айыына Евграфова (С.К. Макаров аатынан Чурапчы гимназиятын 5 кылааһын үөрэнээччитэ).

«Кэскиллээх ааҕааччы» анал аат - Диана Захарова (С.К. Макаров аатынан Чурапчы гимназиятын 7 кылааһын үөрэнээччитэ).

IMG 4141               

Бары кыттыбыт оҕолорго, салайааччыларга махтанабыт, үгүс ситиһиилэри баҕарабыт!

Семен Жендринскэй хаартыскаҕа түһэриилэрэ.

Прочитано 112 раз Последнее изменение Вторник, 26 апреля 2022 14:53
Решаем вместе
Есть предложения по организации учебного процесса или знаете, как сделать школу лучше?