Версия для слабовидящих

Учредитель Администрация МО "Чурапчинский район" 678670, Республика Саха, Чурапчинский район, с.Чурапча ул. Ярославского_дом 63 корпус 1
тел/факс: 8 (411 - 51) 41 - 409, e-mail: ChurapGymn@mail.ru

сейчас на сайте

Сейчас 31 гостей онлайн

Телефон

Телефон доверия: 8-(4112)-42-10-28, +7(495) 104-68-38
"Горячая линия": ЕГЭ: 8-(411)-42-10-46, ОГЭ: 8-(4112)-42-10-48, +7(495) 984-89-19,

Управление образование Сетевой городе. Образование Государственные образовательные стандарты общего образования
“Спидкубинг-2019” чемпионат

“Спидкубинг-2019” чемпионат

Бүгүн, тохсунньу 25 күнүгэр С.К. Макаров аатынан Чурапчы гимназиятыгар улуустааҕы бастакы Спидкубинг чемпионата буолла. 7 сааһыттан 56 сааһыгар диэри 66 кыттааччы кэллэ. Барыта 5 хамаанда күөн көрүстэ.

Чемпионат түмүктэрэ:

*Пирамида 3х3*

Дьулус Феофанов 6б - 1 место

Арылхан Павлов 6б - 3 место

Филипп Барашков 11а 1 место

*2х2*

Валентин Павлов 11б 1 место

Мичил Попов 8а 2 место

Филипп Барашков 3 место

Дьулус Феофанов 3 место

*3х3*

Филипп Барашков 3 место

Валентин Павлов 1 место

Дьулус Феофанов 2 место

Оттон хамаанданан күрэскэ гимназия хамаандата 1 миэстэ буолары ситистэ.

Быйыл бастакытын ыытыллыбыт улуустааҕы Спидкубинг чемпионатын иилээн-саҕалаан ыыппыт Кыыдаана Михайловна ЕКЕЧЬЯМОВА санаатын үллэһиннэ:

- Биһиги үөрэнээччилэрбит киэҥ таһымнаах күрэстэргэ кыттыбыт, миэстэлэспит буоланнар, хамаанданан күрэскэ Чурапчы гимназията маҥнайгы миэстэни ылары ситистэ. Тэрээһини Дьокуускай куораттааҕы “Joy” маҕаһыын салайааччылара Анастасия Захаровна ОТОВА уонна Дмитрий Алексеевич ПАХОМОВ өйөөтүлэр, кыттааччыларга сэмэй бириистэри туруордулар. Элбэх киһи көхтөөх кыттыыны ылан барда. Улуус араас оскуолаларыттан бастыҥ, чаҕылхай оҕолор кэлбиттэр. “Кубик рубика” оонньуур кэнсиэпсийэтэ саҥа сайдан эрэр оҕо, киһи, сүрүннээн, толкуйдуур дьоҕура сайдыытыгар элбэх туһалаах: ол курдук, бастатан туран, кини айар толкуйун сайыннарар. Эһиил өссө элбэх кыттааччыны күүтэбит. Кэлэн көхтөөх кыттыыны ыларгытыгар, бэйэҕитигэр элбэҕи эбинэн бараргытыгар баҕарабыт.

Валентин ПАВЛОВ, 11 “Б” кылаас үөрэнээччитэ, Рубик кубигар улуустааҕы күрэс кыайыылааҕа, республиканскай чемпионат призера:

- Рубик кубигын хомуйууга биир сыл анараа өттүгэр Максим Чечнев диэн блогер видеоларын көрөн үөрэнэн саҕалаабытым. Ити курдук, сонун эйгэҕэ бастакы хардыыларбын оҥорбутум. Барыта түргэнник табыллыбатаҕа. Ол эрээри, мин бэринэ охсубатаҕым. Билигин бэрт түргэнник хомуйабын. Онон инниҥ диэки дьулуурдаахтык хардыылаан истэххэ, ханнык баҕарар сыалгын ситиһиэххин сөп эбит диэн түмүккэ кэллим. Инникитин кыттар күрэстэрим таһымнара улаатан иһэригэр эрэллээхтик үлэлэһэ сылдьабын.

Дьулус ФЕОФАНОВ, 6-с ”Б” кылаас үөрэнээччитэ

- Бу тускулаах оонньууну кытары ааспыт сылга билсибитим. Былырыын оскуоланан республиканскай Спидкубинг күрэһигэр миэстэлэспиппит. Ааспыт тэрээһиҥҥэ бэйэм категориябар 3х3, 2х2 кубиктары хомуйууга - 2-с миэстэ, оттон пирамидаҕа 1-кы миэстэни ылары ситиспитим. Бүгүҥҥү тэрээһини олус астынным, “Joy” тэрилтэ бириистэрин бары олус сөбүлээтибит. Тэрийээччилэргэ, салайааччыларга улахан махталбытын тиэрдэбит!

 

Бу курдук үрдүк тэрээһиннээх күрэһи кыттааччылар, үөрэнээччилэр, салайааччылар олус астынан бардылар.

 

                          IMG-20190128-WA0000.jpg

IMG-20190128-WA0001.jpg

IMG-20190128-WA0002.jpg

IMG-20190128-WA0004.jpg

IMG-20190128-WA0005.jpg

IMG-20190128-WA0006.jpg

IMG-20190128-WA0007.jpg

IMG-20190128-WA0008.jpg