Версия для слабовидящих

Учредитель Администрация МО "Чурапчинский район" 678670, Республика Саха, Чурапчинский район, с.Чурапча ул. Ярославского_дом 63 корпус 1
тел/факс: 8 (411 - 51) 41 - 409, e-mail: ChurapGymn@mail.ru

сейчас на сайте

Сейчас 49 гостей онлайн

Телефон

Телефон доверия: 8-(4112)-42-10-28, +7(495) 104-68-38
"Горячая линия": ЕГЭ: 8-(411)-42-10-46, ОГЭ: 8-(4112)-42-10-48, +7(495) 984-89-19,

Управление образование Сетевой городе. Образование Государственные образовательные стандарты общего образования
Инникигэ хардыы

XXII улуустааҕы “Инникигэ хардыы” научнай-практическай кэмпириэнсийэ кыттааччыларыгар, ыалдьыттарыгар истиҥ эҕэрдэ!

 Күндү оҕолор, салайааччылар!

 Бу үөрүүлээх күнүнэн, өй-билии бырааһынньыгынан, итиитик-истиҥник эҕэрдэлиибит! Бүгүҥҥү кыайыыгытынан кынаттанан үрдүктэн-үрдүк чыпчааллары дабайыҥ! Бу курдук билиигэ тардыһыылаах, үлэҕэ дьоҕурдаах буола туруҥ!

Гимназия үөрэнээччилэрэ

Кэскили түстүүр тэрээһин дьону түмэр!

 Тэрээһин үөрүүлээх аһыллыыта Гимназия уолаттарын хуоруттан саҕаланна. Кинилэр Виктор Хон-Омук Уола тылларыгар, Васлий Еремеев матыыбыгар “Биһиги баарбыт – сахалар” ырыаны ыллаатылар. Салайааччы СӨ култууратын уонна ускуустубатын үтүөлээх үлэһитэ Лыткина Екатерина Марковна.

Эҕэрдэ тылы Чурапчы гимназиятын дириэктэрэ Юрий Павлович Посельскай, Чурапчы үөрэххэ салалтатын начальнига Тамара Васильевна Павлова, ХИФУ Юридическай бакылтыатын старшай преподавателя Мария Прометеевна Ефимова эттилэр. Ол кэннэ эспиэрдэр уонна кыттааччылар сиэксийэнэн үлэлэргэ тарҕастылар.

Быйылгы кэмпириэнсийэҕэ хаһааҥҥытааҕар да элбэх оҕо кытынна. Ол курдук, Мугудай, Болтоҥо, Кытаанах, Хатылы, Улахан-Күөл, Дирин, Сылаҥ, Алаҕар, Одьулуун, Бахсы, Мырыла, Амма, Хайахсыт, Хадаар, Чурапчы оскуолаларын үөрэнээччилэрэ уонна “Радость” оҕо сайдар киинин иитиллээччилэрэ кэлбиттэр.  

Эспиэрдэр сэбиэттэригэр М.К. Аммосов аатынан Хотугулуу-илиҥҥи федеральнай университет, Арассыыйа Наукаларын академиятын Сибиирдээҕи салаатын Саха сиринээҕи наука киинин учуонайдара, исписэлиистэрэ киирдилэр. Кэмпириэнсийэ 16 хайысхатыгар барыта 51 эспиэр үлэлээтэ.

Кинилэр оҕолор үлэлэрин сонун өрүтүн, суолтатын, ис хоһооно тиэмэтигэр, сыалыгар-соругар сөп түбэһэрин көрдүлэр, ону таһынан чинчийэр ньымаларын, хайдах көмүскүүллэрин кытары сыаналаатылар. Сиэксийэлэринэн үлэ түмүгүнэн хас биирдии үөрэнээччи сонун, ураты тиэмэлээҕин бэлиэтээтилэр. 

 Бастыҥ үлэлээх оҕолор добун суругунан наҕараадаланнылар уонна салгыы региональнай кэмпириэнсийэҕэ кыттарга мэктиэлэннилэр. Кыайыылаахтары итиитик-истиҥник эҕэрдэлиибит!

 

Истиҥ-иһирэх санаалар

Женя ФЕДОРОВ, С.К. Макаров аатынан Чурапчы гимназиятын VIII «А» кылааһын үөрэнээччитэ:

– «Дорожная карта к подготовке в будущей профессии инженера-строителя» тиэмэнэн кытынным. Мин оҕолорго инники идэлэрин талалларыгар көмөлөһөөрү бу тиэмэни талбытым. Былырыын эмиэ кыттыбыт буоламмын үчүгэйдик кэпсээтим. Бу сырыыга төрөппүттэри кытта үлэлээтим. Анкетирование оҥорбуппут. Инникитин бу үлэбин салгыыбын. Мин инженер буолуохпун баҕарабын, онон тиэмэм бэйэбэр чугас.

 

Дайаана КАПРЫНОВА, Дарина КАРПОВА, Юля ПАВЛОВА И.М. Павлов аатынан Мурун Тымпыйа орто оскуолатын V «Б» кылааһын үөрэнээччилэрэ:

 

– Биһиги “Живой уголок” диэн тиэмэнэн кэлэн кытта сылдьабыт. Оскуолабытыгар тыыннаах муннук оҥоруохпутун баҕарабыт. Бу биһиги баҕа санаабыт. Маннык муннук баар буоллаҕына оҕолор кыыллары кытта алтыһан сынньаныахтара, элбэҕи билиэхтэрэ этэ. Попугай, хомяк, куруолук игин баар буолуон баҕарабыт. 

 

Коля Куйчогло, С.А Новгородов аатынан Чурапчы орто оскуолатын X кылааһын үөрэнээччитэ:

 

– Мин бүгүн “Якутскаяфилология, фольклористика” сиэксийэҕэ“Якутско-гагаузские лексические параллели”диэн докладынан кытынным. Бу икки норуот тылларын тэҥнээн көрдүм уонна инники сайдыыларын сэдиптээн чинчийдим. Кэмпириэнсийэни сөбүлээтим.Билэр оҕолорбун көрсөн үөрдүм. Гимназия олус тупсубут, сырдаабыт эбит.

 

Диана Попова,Г.П Башарин аатынан Cылаҥорто оскуолатын Xкылааһын үөрэнээччитэ:

 

– Докладым тиэмэтэ –“Проблемы ожирения в РС(Я) и их сравнительный анализ”. Үлэм сүрүн сыала: тоҕо маннык кыһалҕа үөскүүрүн чинчийии уонна уойууну утарыүлэ ньымаларын көрдөөһүн буолар. Мин санаабар, тэрээһин олус үрдүк таһымнаах. Ордук үөрүүлээх аһыллыытын сэргээтим. Уолаттар хуордарын кэрэхсээтим.

 

Александр Павлович НОГОВИЦЫН, Саха сирин норуоттарын муусукатын уонна фольклорун түмэлин дириэктэрин солбуйааччыта, “Якутская филология, фольклористика” сиэксийэ бэрэссэдээтэлэ:

 

– Чурапчы улууһа уруккуттан өрөспүүбүлүкэ эдэр учуонайдарын кытта үлэлэһэр. Онон атын улуустары кытта тэҥнээтэххэ, оҕолор ситиһиилэрэ, үлэлэрин таһыма үрдүк. Холобур, былырыын Чурапчы улууһун оҕолоро Бүтүн Арассыыйатааҕы кэмпириэнсийэҕэ тиийэ кыттыбыттара. Ол элбэҕи этэр.

 

Биһиги сиэксийэбитигэр барыта 30 оҕо кытынна. Үлэлэрин таһыма араас-араас. Ол эрээри уопсай ылан көрдөххө, хартыына үчүгэй.

 

Эспиэрдэр оҕолор үлэлэрин дьүүллээһининэн эрэ муҥурдамматтар. Оҕо салгыы үлэлииригэр сүбэ-ама этэллэр, ыйан-кэрдэн биэрэллэр. Онон үөрэнээччилэр бүгүҥҥү тэрээһинтэн кынаттанан, өрөспүүбүлүкэ, дойду таһымнаах кэмпириэнсийэлэргэ ситиһиилээхтик кыттыахтара диэн эрэнэбит. Үлэбит үтүө түмүктээх буоларыгар эрэллээхпит.

 

Альбина Семеновна ДЬЯЧКОВСКАЯ, “Радость’’ оҕо айар үлэтин киинин уһуйааччыта:

 

– “Культурология, мода и дизайн” сиэксийэҕэ 30 үлэни иһиттибит. Кэтээн көрдөххө, оҕолор таһымнара сыл ахсын үрдээн иһэр. Сүрдээх интириэһинэй үлэлэр бааллар. Мин санаабар, кэмпириэнсийэ кыттыылааҕа бэйэтин тиэмэтин дириҥник билиэхтээх, атын оҕолорго үтүө сыһыаннаах  уонна хаһан баҕарар үчүгэйгэ эрэллээх буолуохтах. Мин Кытаанахтан сылдьар VIII кылаас үөрэнээчитэ Шишигина Кира үлэтин сэргээтим. Кини “Украшение копыт крупно-рогатого скота” диэн дьон болҕомтотун тардар, ураты тиэмэҕэ чинчийэр үлэ суруйбут.

 

 

 

“Чиргэл” пресс-киин

 

 

 

 

DSC00039.JPG

DSC00044.JPG

DSC00053.JPG

DSC00067.JPG

DSC00062.JPG

DSC00076.JPG

 

DSC00088.JPG

DSC00190.JPG

DSC00221.JPG

DSC00329.JPG

DSC00337.JPG

DSC09987.JPG

DSC09990.JPG