Тохсунньу 29 күнүгэр, НВК Саха ханаалыгар «Саҥа күн» биэриигэ гимназиябыт 11 «б» кылааһын үөрэнээччитэ Антон Макаров «Скайп» ситимин нөҥүө тахсан быһа биэриигэ интервью биэрдэ.

Новости

Тохсунньу 29 күнүгэр, НВК Саха ханаалыгар «Саҥа күн» биэриигэ гимназиябыт 11 «б» кылааһын үөрэнээччитэ Антон Макаров «Скайп» ситимин нөҥүө тахсан быһа биэриигэ интервью биэрдэ.
Кини НПК «Инникигэ хардыы»  чинчийэр үлэтин «Тиит мас хатырыга антибактериальнай ураты хаачыстыбата» туһунан сырдатта.
Антон кыра кылаастан саҕалаан дакылаат ааҕыытыгар кыттарын кэпсээтэ. Бастакы дакылаатын 3 кылааска сылдьан Чурапчы улууһун бааматынньыктарыгар анаан суруйбут. Ахсыс кылааска дылы улууснай этаап научно практическэй конференцияларга кыттар. 9 кылаас кэнниттэн Республика таһымыгар тахсар буолбут. 10 кылааска «Мусоросжигательный завод»  диэн теманан экономическэй наука секциятыгар кыттыбыт.
11 кылааска «Строительный материал из коры лиственницы» диэн дакылааты оҥоро сылдьан интернет источниктарга хатырык састаабыгар антибактериальнай ураты хаачыстыба баарын бэлиэтии көрбүт уонна чинчийэр үлэтин онно тирэнэн оҥорорго туруммут. Чинчийэр үлэтин практическэй чааһыгар  бастаан килиэптэргэ хатырыктан отвары уонна настойканы, атын антисептическэй тэриллэри ыстарбыт уонна түүнүк үүнэрин тэҥнээн көрбүт. Хатырыктан отвары хатырыгы оргутан оҥорбут онтон экстракты хатырыгы испиирткэ ый устата туруоран ылбыт. Отвар ыстарбыт килиэбигэр түүнүк үүммэтэх. Оннук Антон уонна кини научнай салайааччыта Хоютанова Мария Иустиновна тулалыыр эйгэҕэ ыраас туһалаах сириэстибэни оҥорон таһаарбыттар. Бу үлэлэринэн кинилэр XXV Инникигэ хардыы НПКҕа Лауреат үрдүк аатын сүкпүттэрэ. Москуоба куоракка Бүтүн Арассыйатааҕы «Леонардо» фестивальга кыттарга сүбэлэммитэ.
Салҕыы Антон  үлэтигэр кураанах хатырык концентратыгар антибактериальнай ураты хаачыстыбатын чинчийиэн баҕарарын эттэ.

Добавить комментарий

Ваш e-mail не будет опубликован. Обязательные поля помечены *