«Төрөппүт — оҕо — эппиэтинэс»

Новости

Ахсынньы 13 күнүгэр С.К. Макаров аатынан Чурапчы гимназиятыгар «Төрөппүт — оҕо — эппиэтинэс» диэн аһаҕас кэпсэтии түһүлгэтэ ыытылынна. Барыта 48 төрөппүт, 11 педагог уонна 7 ыҥырыылаах ыалдьыт кыттыыны ыллылар. Аһаҕас кэпсэтиини Чурапчы улууһун дьиэ кэргэҥҥэ уонна ыччакка өйөбүл буолар социальнай-психологическай киин салайааччыта Антонина Семеновна Капрынова иилээн-саҕалаан ыытта.

Кэпсэтиигэ кыттыыны ыллылар:

  1. А.Р. Постникова, Чурапчы улууһун прокурорун солбуйааччы;
  2. В.А. Лазарева, Чурапчы улууһун саастарын ситэ илик оҕолор хамыыһыйаларын эппиэттээх сэкирэтээрэ;
  3. Т.И. Уварова, Чурапчы улууһун саастарын ситэ илик оҕолору көрөр Ис дьыала отделын инспектора;
  4. А.А. Антипина, Чурапчы улууһун Ис Дьыала отделын суолга сэрэхтээх буолууга испектора;
  5. М.П. Антипина, Чурапчы улууһун опека уонна попечительство отделын салайааччыта;
  6. С.В. Башарина, Чурапчы улууһун үөрэҕин управлениятын специалиһа.

Кыттааччылар икки өртүттэн санааларын атастаһан, сонун этиилэри киллэрэн, сүбэни-аманы бэрсэн, көдьүүстээх кэпсэтии таҕыста.

Добавить комментарий

Ваш e-mail не будет опубликован. Обязательные поля помечены *