“Тумус Кыһа-Школа Успеха” ресурснай киин үлэлээтэ

Новости

Сынньалаҥ кэмигэр, сэтинньи 5-7 күннэригэр, «Тумус Кыһа-Школа Успеха» ресурснай киин күһүҥҥү симиэнэтэ үлэлээтэ. Чурапчы араас оскуолаларыттан 4 кылаас үөрэнээччилэрэ кэлэн, 48 оҕо үс күн устата ахсаан, нуучча, саха, аангылыйа тылларын, история, тулалыыр эйгэ уруоктарыгар үөрэннилэр. Ону таһынан умсугутуулаах дьарыктарга, сүүрүүлээх-көтүүлээх, көрдөөх-нардаах оонньууларга кытыннылар.
Симиэнэ үһүс күнүгэр метапредметнай олимпиада буолла. Ол түмүгүнэн 3 оҕо добун суругунан уонна сааскы оскуолаҕа босхо үөрэнэр путевканан наҕараадаланна.

Маша Копылова, Аина Игнатьева, Айта Попова, Паша Посельская, Стас Сивцев, Женя Федоров, сынньалаҥы аахсыбакка, баһаатайынан үлэлээтилэр.

Дириэктэри научнай үлэҕэ солбуйааччы Ирина Саввична Соловьева сатабыллаах салалтатынан «Тумус Кыһа- Школа Успеха» ресурснай киин өссө биир симиэнэтин этэҥҥэ, таһаарыылаахтык түмүктээтэ.

Добавить комментарий

Ваш e-mail не будет опубликован. Обязательные поля помечены *