Ахсаан умсугутуулаах эйгэтэ

Новости

Алтынньы 17 күнүгэр С.К. Макаров аатынан Чурапчы гимназиятыгар төрдүс төгүлүн улуустааҕы “Праздник математики” тэрээһин буолла. Гимназия уопсай техническэй хаапыдыратын ахсаан уруогун учууталлара тэрийэн ыыттылар. Ахсааны кэрэхсиир 5-6 кылаас оҕолоро кытыннылар. Чурапчы нэһилиэктэрин 13 оскуолатыттан барыта 108 оҕо кэллэ. Тэрээһин чэрчитинэн умсугутуулаах ахсаан оонньуулара, задачалары суоттуурга чөмпүйэнээт буолла.

Галина Семеновна Монастырева, Чурапчы үөрэҕин салалтатын мэтиэдьикэ салаатын испэсэлииһэ:

– Ахсааҥҥа интэриэс үөскүүрүгэр маннык хабааннаах тэрээһиннэр ыытыллаллара улахан көдьүүстээх. Тэрээһиммит инникитин кыттааччыта элбээн, таһыма үрдээн иһиэҕэ диэн эрэнэбин. Сыл ахсын оҕолор көтүппэккэ кэлэн кытталлар. Гимназия үлэһиттэрэ мэлдьи үрдүк таһаарыылаахтык, киһини кэрэхсэтэр гына ыыталлар. Бу курдук, инникитин улууспутугар ахсааҥҥа үөрэх хаачыстыбатын тупсарарга үлэлэһэр үгүс былааннаахпыт.

 

Бырааһынньык хас биирдии тэрээһинигэр кыайыылахтары быһаардылар. Уопсай түмүккэ кылаастарга 10 бастыҥ ахсаанньыты таллылар.

   

Добавить комментарий

Ваш e-mail не будет опубликован. Обязательные поля помечены *