Балаҕан ыйын 27 күнэ – Ил күнэ

Новости

1990 сыллаахха балаҕан ыйын 27 күнүгэр М.Е. Николаев салайааччылаах ХХII ыҥырыылаах Үрдүкү Сэбиэт Саха Өрөспүүбүлүкэтин судаарыстыбаннай сүбэрэнитиэтин Декларациятын ылыммыта. Онон бу күн Саха норуотугар ураты суолталааҕынан билиниллэр.

Судаарыстыбаннас күнүгэр анаммыт үгэс буолбут өрөгөйдөөх линейка үрдүк таһаарыылаахтык ааста. Ону таһынан кылаас чаастара буоллулар. Ол курдук, Ил Түмэн депутаттара Михаил Дмитриевич Гуляев уонна Семен Иванович Никитин гимназия үөрэнээччилэрин кытта көрүстүлэр. Ил күнүн историятын, төрөөбүт дойдуга бэриниилээх буолуу туһунан кэпсээтилэр.

– Үчүгэй испэсэлиис буоларга дьулуһан, үөрэххитигэр кыһанан, эксээмэннэргитин үчүгэйдик туттаран, киһи киһитэ буолан тахсыаххыт диэн эһиэхэ эрэнэбин, – диэн туран Михаил Дмитриевич гимназия бибилэтиэкэтигэр кинигэ бэлэх уунна.

Ити курдук, дириҥ ис хоһоонноох көрсүһүүлэр буоллулар. Хас биирдии оҕо төрөөбүт дойдутун историятын биир чаҕылхай страницатын туһунан эбии билии иҥэриммитигэр саарбаҕалаабаппыт.

Добавить комментарий

Ваш e-mail не будет опубликован. Обязательные поля помечены *