Хоту көһөрүллүү – 77 сыла

Новости

1942 сыллаахха Чурапчы оройуонун 41 холкуоһа хоту улуустарга күүс өттүнэн көһөрүллүбүтэ. Бу дьаһал сэрии ыар сылларыгар фрону балыгынан хааччыйар сыалтан ылыллыбыта. Быйыл Чурапчы көһөрүллүүтүн 77 сыла бэлиэтэнэр. Балаҕан ыйын 19 күнэ – Кэриэстэбил күнэ.

Бу курус күн Чурапчы гимназиятын үөрэнээччилэрэ көһөрүллүүгэ аналлаах миитиҥҥэ кытыннылар. Көһөрүллүүгэ кыттыбыт чугас дьоннорун, биир дойдулаахтарын кэриэстээн сэлэлээн хаамтылар.

Балаҕан ыйын 24 күнүгэр, хоту көһөрүллүү 77 сылыгар аналлаах декада чэрчитинэн гимназияҕа Кэриэстэбил күнэ буолла. Тэрээһиҥҥэ ытык-мааны бэтэрээннэрбит ыалдьыттаатылар. Кылаас чаастарга оҕолордуун көрүстүлэр. Кинилэри кытта улуус бэтэрээннэрин сэбиэтин салайааччыта Мотрена Николаевна Матвеева, А.А. Саввин аатынан кыраайы үөрэтэр музей экскурсовода Нюргуяна Егоровна Максимова, Киин бибэлэтиэкэ үлэһитэ Саргылана Кэнчэревна Флегонтова, Оҕо бибэлэтиэкэтин сэбиэдиссэйэ Елена Николаевна Дьячковская уонна гимназиябыт бибэлэтиэкэрэ Туйаара Николаевна Харлампьева Сахабыт сирин историятын биир саамай ыарахан, сүрэх баастаах страницатын туһунан кэпсээтилэр.

Дойдубут дьонун-сэргэтин бүттүүн сүрэҕин долгутар, ыар алдьархай умнуллубатын, хаһан да хатыламматын!  

Добавить комментарий

Ваш e-mail не будет опубликован. Обязательные поля помечены *