Улуу Кыайыы 74 сылын бэлиэтээтибит

Новости

Ыам ыйын 8 күнүгэр Улуу Кыайыы 74 сылын көрсө гимназияҕа “Сураҕа суох сүппүт саллааттар – сүрэхпитигэр тыыннааххыт” өйдөбүнньүк дьаһал ыытылынна. Бу өрөгөйдөөх күҥҥэ ытыктабыллаах бэтэрээннэрбит күндү ыалдьыт буоллулар.

Дьаһал буойун-учуутал С.К. Макаров пааматынньыгар сибэкки дьөрбөтүн уурууттан саҕаланна. Ол кэннэ гимназия успуорт саалатыгар үөрүүлээх линиэйкэ, театрализованнай туруоруу буолла. Улуу Кыайыы 74 сылынан гимназия дириэктэрэ Юрий Павлович Посельскай, Новосибирск куорат үрдүкү байыаннай политическэй команднай училище выпускнига, Алжир наруодунай өрөспүүбүлүкэтигэр сулууспалаабыт, оставкаҕа сылдьар хапытаан, Чурапчы улууһун, Хатылы нэһилиэгин бочуоттаах олохтооҕо, социальнай, муниципальнай сулууспа туйгуна, Ил Түмэн норуодунай дьокутаата, Чурапчытааҕы “Юнармия” хамсааһын хамандыыра Семен Иванович Никитин, Бойобуой дьайыылар бэтэрээннэрин түмсүүтүн бэрэссэдээтэлэ Илья Сергеевич Березкин, “Республика гимназия” оҕо тэрилтэтин президенэ Ариан Собакин ис сүрэхтэриттэн эҕэрдэлээтилэр.

Учууталлар хордара – “Кыайыы күнэ”, үөрэнээччилэр хордара “Дорога на Берлин”, “Казаки на Берлине” ырыалары биир тыынынан толорон Улуу Кыайыыны уруйдаатылар. Илья Васильевич Теплоухов, гимназия үлэһитэ, төрөппүтэ – “Журавли”, Алена Захарова, 10 кылаас үөрэнээччитэ, “Тучи в голубом” ырыалары бэлэх ууннулар.

Бу күн хас биирдиибит Аҕа дойду Улуу сэриитин толоонугар саа-саадах тутан Ийэ дойдуларын көмүскээбит, тыылга күүрүүлээх үлэлэринэн Улуу Кыайыыны уһансыбыт аймахтарбыт сырдык ааттарын, үйэлэргэ умнуллубат хорсун быһыыларын уруйдаатыбыт-айхаллаатыбыт.    

 

Ким да умнуллубат, туох да умнуллубат!

Добавить комментарий

Ваш e-mail не будет опубликован. Обязательные поля помечены *