Сэмэн Тумат үбүлүөйүгэр анаан испэктээх турда

Новости

Бүгүн, о.э. кулун тутар 1 күнүгэр «Айылгы» култуура киинигэр Сэмэн Тумат үбүлүөйүн бэлиэтиир үөрүүлээх тэрээһин буолла. Бу күн суруйааччы айымньыларынан «Муора арыытыгар олох» испэктээх биир тыынынан ааста. Испэктээги С.К. Макаров аатынан Чурапчы гимназията туруорда. Сценарийы саха тылын уонна литературатын учууталлара Фекла Николаевна Болдовская, Сардаана Николаевна Гоголева, Зоя Николаевна Сивцева хомоҕойдук суруйдулар. Сүрүн оруолларга гимназия уһуйааччылара, үөрэнээччилэрэ оонньоотулар. Тыйыс айылҕалаах хотугу сир дьонун олоҕун-дьаһаҕын олус итэҕэтиилээхтик оонньоон дьон-сэргэ кэрэхсэбилин ыллылар. Кыралыын-улаханныын олус табыллан оонньоотулар, көрөөччүлэр ытыстарын тыаһа уҕараабата.

Добавить комментарий

Ваш e-mail не будет опубликован. Обязательные поля помечены *