Гимназияҕа “Туойабын төрөөбүт дойдубун” хор куонкуруһа буолла

Новости

Бүгүн, муус устар 22 күнүгэр, Саха автономнай өрөспүүбүлүкэтэ төрүттэммитэ 100, Чурапчы улууһугар Ийэ сир сылыгар анаммыт “Туойабын төрөөбүт дойдубун” С.К. Макаров аатынан Чурапчы гимназиятын кылаастарын икки ардыларыгар хор куонкуруһа буолла.
Биһиги оскуолабыт төрүттэниэҕиттэн уол, эр дьон хора тэриллэн ситиһиилээхтик үлэлээн кэлбитэ. Хору өр сылларга Матрена Егоровна Васильева салайбыта. Оттон оскуолабытыгар Екатерина Марковна Лыткина үлэлии кэлиэҕиттэн бу үтүө үгэс сөргүтүллэн, бэһис сылын, тиһигин быспакка, учууталлар хордара, үөрэнээччилэр хордара, “Дуорай” уолаттар ансаамбыллара араас куонкурустарга кыттан, гимназиябытыгар кыайыы өрөгөйүн аҕалаллар.
Бүгүҥҥү күрэх 3 бөлөҕүнэн ыытылынна. 1 бөлөххө 5-6 кылаастар, 2 бөлөххө 7-8 кылаастар, 3 бөлөххө 10 кылаастар кытыннылар. Сыаналыыр сүбэҕэ үлэлээтилэр:
1. Чичигинарова Евгения Ивановна – Чурапчы гимназиятын директорын иитэр улэҕэ солбуйааччыта, дьүүллүүр сүбэ бэрэссэдээтэлэ
2. Егорова Светлана Петровна – Андрей Петрович Гоголев аатынан Чурапчы оҕо искусствотын оскуолатын вокал кылааһын преподавателэ
3. Козлова Клара Мироновна – «Туллукчаан» уһуйаан музыкаҕа салайааччыта
4. Керемясова Марина Николаевна – Чурапчы гимназтятын нуучча тылын уонна литературатын учуутала
5. Барашков Георгий Иванович – Чурапчы гимназиятын эбии үөрэхтээһинин педагога
Кылаастар бары Саха сирин туһунан, төрөөбүт дойдуга тапталы хоһуйар ырыалары бэркэ табыллан, олус иһирэхтик  толордулар. Ол курдук, дьүүллүүр сүбэ быһаарыытынан, Алексей Потапов тылларыгар уонна мелодиятыгар  «Сахам сирэ» ырыаны ис-истэриттэн иэйэн ыллаан, 7 “б” кылаас хора (сал. Н.Н. Романов) мунутуур кыайыылааҕынан ааттанна.
I  БӨЛӨХ ( 5 – 6 кылаастар):
• ЧУЛУУ ААТ бастакы үрдэлэ (ЛАУРЕАТ) – 6б  кылаас (сал. С.Г. Степанова);
• ЧУЛУУ ААТ иккис үрдэлэ (ДИПЛОМАНТ) – 6а кылаас (сал. И.В. Слепцова);
• “Кэскиллээх ырыаһыттар» анал аат – 5а кылаас (сал. А.П.  Матвеева);
• “Бастыҥ төрөөбүт дойду туһунан ырыа» анал аат – 5б кылаас (сал. И.Т. Пономарев).

II  БӨЛӨХ ( 7 – 8 кылаастар):
• ЧУЛУУ ААТ бастакы үрдэлэ (ЛАУРЕАТ) – 8а кылаас (сал. Е.А.  Пермякова);
• ЧУЛУУ ААТ иккис үрдэлэ (ДИПЛОМАНТ) – 8Б кылаас (сал. Е.С. Дорогунова);
• “Иэйиилээх ырыаьыттар» анал аат – 7а кылаас (сал. А.А. Куличкина).

I  БӨЛӨХ (10  кылаастар):
• ЧУЛУУ ААТ бастакы үрдэлэ (ЛАУРЕАТ) – 10а кылаас (сал. С.Н. Гоголева);
• ЧУЛУУ ААТ иккис үрдэлэ (ДИПЛОМАНТ) – 10б, 10в кылаастар (сал. Ю.М. Макарова, Т.В. Константинов).

Бу курдук, бүгүн биһиги гимназиябытыгар “Туойабын төрөөбүт дойдубун” хор куонкуруһа үрдүк таһымнаахтык ыытылынна. Үөрэнээччилэр, учууталлар хас биирдиибит ылбаҕай ырыа алыбар ылларан, кэрэни кэрэхсээн дууһалыын сынньанныбыт, олус астынныбыт. Бүгүҥҥү куонкуруһу тэрийбит, хас биирдии кылааһы бэлэмнээбит Екатерина Марковна Лыткинаҕа, кылаас салайааччыларыгар, төрөппүттэргэ махтанабыт! Бары кыайыылаахтары истиҥник эҕэрдэлиибит!

Добавить комментарий

Ваш e-mail не будет опубликован. Обязательные поля помечены *