«Көтүөххэ үрдүккэ хотойдуу» уоланнар ааҕыыларын улуустааҕы түһүмэҕэр бастыҥнарынан кэккэлэригэр

Новости

Саха АССР төрүттэммитэ 100, Арассыыйа норуоттарын ускуустубатын уонна култууратын нэһилиэстибэтин, Саха Өрөспүүбүлүкэтигэр Ийэ, СӨ үөрэҕин эйгэтигэр Ааҕыы, Пионерскай тэрилтэ үөскээбитэ 100 сылларыгар аналлаах XVII өрөспүүбүлүкэтээҕи  «Көтүөххэ үрдүккэ хотойдуу» уоланнар ааҕыыларын улуустааҕы түһүмэҕэ (кэтэхтэн көрүү) муус устар 5 күнүгэр 2022 с. буолла. 6 эр киһилээх дьүүллүүр сүбэ үлэлээтэ. Кинилэр истэригэр саха норуотугар биллибит «Хара мааска» уус-уран киинэҕэ Гаврил Десяткин  уонна  «Тыгын Дархан» уус-уран киинэҕэ Лөгөй оруолун ситиһиилээхтик оонньообут артыыс, мас-рестлиҥҥэ спорт маастара  Саввин П. П.  баар. Улуустан куонкуруска барыта 13 бөлөх, 123 уол кытынна. Дьүүллүүр сүбэ быһаарыытынан  Муҥутуур кыайыылааҕынан ( Гран При хаһаайына) С. К. Макаров аатынан Чурапчы гимназиятын 8″ а» кылааһын уолаттарын «Өркөн» бөлөҕө ( салайааччы Болдовская Ф. Н.) буолла.  Бу бөлөх саха государственнай деятелэ Илларионов А. П. » Уунабын сибэкки дьөрбөтүн»  уус-уран музыкальнай дьүһүйүүтүнэн кытынна. Видеомонтаһы Новгородов В. И. олус айымньылаахтык оҥорбута бэлиэтэннэ.

«Бастыҥ салайааччы» анал ааты – Болдовская Ф. Н. , » Бастыҥ ааҕааччы» анал ааты Макаров Олег ( 8 «а» кылаас үөрэнээччитэ) ыллылар.

«Иһирэх ааҕааччылар» анал ааты – 5 «б» кылаас уолаттара (салайааччы Данилова О. С.), «Дорҕооноох ааҕааччылар» анал ааты 5 «а» кылаас уолаттарын «Сайдам» бөлөҕө (салайааччы Гоголева С. Н. ) ыллылар.

Үгэс буолбут ааҕыы куонкуруһугар ситиһиилээхтик кыттыбыт бары бөлөхтөрү уонна салайааччылары ис сүрэхпититтэн эҕэрдэлиибит. Быйыл саҥа саҕалаан эрэр 5 кылаас уолаттарын хайгыыбыт, маладьыастар.

Добавить комментарий

Ваш e-mail не будет опубликован. Обязательные поля помечены *