Гимназияҕа аҕалар, эр дьон форумнара буолла

Новости

Бүгүн арҕаа түөлбэ үөрэх тэрилтэлэрин: Чурапчы техническэй колледжын, С.К. Макаров аатынан Чурапчы гимназиятын, оҕо сайдар киинэ – «Туллукчаан» уһуйаан, оҕо сайдар киинэ – «Березка» уһуйаан уонна «Куоҕалы» түөлбэ аҕаларын, эр дьонун холбоһуктаах форумнара буолла. Биһиги гимназиябытыттан барыта 30 аҕа кыттыыны ылла.

Бу күн түөрт түһүлгэнэн: “Төрөппүт анала”, “Уол оҕону иитии”, “Аҕа ыал олоҕун сүрүннээччи” (бэйэ дьыалатын арыныы, эбии дохуот киллэрии, социальнай көмөлөр), “Сокуону тутуһуу, эппиэтинэстээх буолуу – чөл олох төрдө” (сааҕа көҥүл, техосмотр, сокуоҥҥа саҥа уларыйыылар) аһаҕас кэпсэтиилэр бардылар. Тэрээһиҥҥэ эспиэрдэринэн уулуустааҕы социальнай харалта салайааччыта Лидия Тосукаева, үөрэх управлениетын дьиэ кэргэн уонна оҕо психологическай киинин салайааччыта Антонина Капрынова, улуустааҕы бойобуой дьайыы бэтэрээннэрин Сэбиэтин бэрэссэдээтэлэ Илья Березкин, Кавказ сэриитин бэтэрээнэ Иннокентий Варламов, гимназия аҕаларын түмсүүтүн салайааччы Андрей Собакин, полиция, ГИБДД, айылҕа харыстабылын сотрудниктара кыттыыны ыллылар, ыйытыыларга хоруйдаатылар. Онон кыттааччылар тустаах, долгутар ыйытыыларыгар хоруй ылан, санаа атастаһан олус астынан тарҕастылар.

Тэрээһин чэрчитинэн тиэхиньикэҕэ саҥаны айааччы Иннокентий Новгородов бэйэтэ таҥан оҥорбут “Сиэгэнин” (вездеход) уонна көтөр аалын форум кыттааччыларыгар, гимназия оҕолоругар билиһиннэрдэ, көрдөрдө.

Бары кыттыыны ылбыт аҕаларбытыгар, эр дьоммутугар истиҥник махтанабыт! Кэнчээри ыччаппыт туһугар ситимнээх үлэбит таһаарыылаах, үтүө түмүктээх буола туруохтун!

Добавить комментарий

Ваш e-mail не будет опубликован. Обязательные поля помечены *