Эр хоһуун сааскы оскуола үлэтэ ыытылынна

Новости

Кулун тутар 28-30 күннэригэр Чурапчы гимназиятыгар “Тумус кыһа – школа Успеха” ресурснай киин иһинэн ыытыллар 6-8 кылаас уолаттарыгар аналлаах сааскы оскуола үлэлээтэ.
Бу оскуолаҕа уолаттар олоххо бэлэмнээх, тирэхтээх киһи буоларга уһуйуллаллар. Ол курдук, быйыл гимназия эр дьон учууталлара сааскы бултка дурда оҥоруу ньыматын, айылҕаҕа сэрэхтээх буолууну, бултааһын, балыктааһын кистэлэҥнэрин кэпсээтилэр. Ону таһынан сүүрүк аттары көрө-истэ «Чурапчы» тыа хаһаайыстыбатын кооперативыгар, Сахабыт сирин кыылын-сүөлүн туһунан билиилэрин хаҥатар сыалтан  улуус түмэлигэр ыалдьыттаатылар.
Оҕолор куйуурга сылдьыбыттарын ордук астыммыттар. Онон көй салгыҥҥа сылдьан, балыктаан, сааскы сынньалаҥнарын туһалаахтык атаардылар.

 

Добавить комментарий

Ваш e-mail не будет опубликован. Обязательные поля помечены *