Дьоһуннаахтык кытыннылар

Новости

Сэтинньи 9 күнүгэр улуустааҕы WorldSkills чемпионат «Спасательные работы» компетенциятыгар С.К. Макаров аатынан Чурапчы гимназиятыттан икки хамаанда кыттыыны ылла. Барыта 5 хамаанда күөн көрүстэ.

Ол курдук, гимназия бастакы хамаандата: Абрамов Алеша (9 кылаас, хамандыыр), Коркин Сеня (10 кылаас), Филиппов Женя (8 кылаас), Дьячковский Артем (8 кылаас), Собакина Сардаана (7 кылаас) 3 бочуоттаах миэстэни ыллылар.

Иккис хамаанда, биһиги инники эрэллэрбит 7 кылаас үөрэнээччилэрэ: Марков Айтал (хамандыыр), Кузьмин Эрчимэн, Лукин Ваня, Шестаков Айхал, Старостина Сардаана хорсун санааларын, кыайыыга дьулуурдарын көрдөрдүлэр.

Сүрүннүүр судьуйа Михайлов Василий Васильевич хамаандалар бэлэмнээхтэрин, күрэхтэһии үрдүк таһымнааҕын уонна гимназия иккис хамаандатын оҕолоро, саамай кыра саастаахтар эрээри, бэлэмнэрэ үчүгэйин бэлиэтээтэ, сорох түһүмэххэ атын хамаандалартан таһыччы көрдөрүүлээхтэрин хайҕаата.

Түмүккэ оҕолорго барыларыгар кыттааччы дипломун туттардылар. Кыайыылаах хамаандалар мэдээлинэн уонна анал дипломунан наҕараадаланнылар.

Оҕолору уонна кинилэр салайааччыларын Сергей Сергеевиһи истиҥник эҕэрдэлиибит!

 

Добавить комментарий

Ваш e-mail не будет опубликован. Обязательные поля помечены *